Etore Mesina thyen “tabutë”, tekniku i parë i huaj në NBA
Italian i CSKA Moskës, sezonin e ardhshëm me Toronton
Dhe pse e ka pllakosur kriza, basketbolli italian arrin një rekord shumë të rëndësishëm: do të ketë trajnerin e parë të huaj në NBA. Po, sepse Etore Mesina pasi ka fituar në çdo cep të Europës, në sezonin e ardhshëm do të ngrihet nga pankina e CSKA Moskës për t’u ulur në atë të Toronto Reptorsave, në skuadrën e Andrea Barnjanit. Nuk mund të zyrtarizohet si lajm, por vendimi është marrë tashmë, sipas shenjave që lëshon italiani Mauricio Gerardini, zv.presidenti i klubit kanadez. Mesina la basketbollin kur ishte vetëm 16 vjeç, i tunduar fuqishëm nga profesioni i trajnerit, në të cilin më pas u bë një nga më fituesit e historisë së basketbollit. Tek ai, dhe pse vetëm 30 vjeç, u mbështet Virtus Bolonja dhe ai fiton menjëherë trofe normalë dhe titullin italian në vitin 1993. Nga aty kalimi në kombëtare, sërish te Virtusi, tek Beteneton Trevizo e më pas te CSKA?ja e Moskës, me të cilën ka fituar dy Euroliga në tre sezonet e fundit. Në fakt, amerikanët e ndiqnin prej kohësh, por duket se Toronto bëri hapin e parë, duke vendosur ta marrë. Pas humbjes së thellë 132?93 ndaj Denverit, Reptorsat me shumë luhatje, hoqën trajnerin Sem Miçell dhe skuadra iu besua Xhoi Trianos. Por tani vjen dhe lajmi i trajnerit tjetër të përhershëm, Mesina. Lajm që nuk është një skup i madh, pasi trajnerët shkarkohen shpesh në NBA, por Mesina është trajneri i parë i huaj në këtë kampionat: “Triano do të qëndrojë në pankinë deri në fund të vitit”, thotë Gerardini, dhe ndërkaq ne do të shohim përqark, por e njohim mirë Europën”. Dhe vërtet Gerardini e njeh mirë “Kontinentin Plakë”, pasi nga këto anë ka ndërtuar edhe skuadrën e sksesshme të vitit të kaluar, me zgjedhjen e parë në Llotarinë Draft, Andrea Barnjanin, regjizorin dhe sulmuesin spanjoll Hoze Kalderon e Horge Garbahoza, por edhe amerikanin Kris Bosh, një All Star. E pikërisht mbi këta lojtarë do të mbështetet Mesina në aventurën e tij të re, atë më përralloren.