Gjigandi SHAK: do te terhiqem pas 2010-s

Gjiganti Shak: Tërhiqem pas 2010-s!


Shakil O’Nil do t’i japë fund karrierës së tij magjike 16?vjeçare në fund të sezonit 2010. Katër herë ka,pioni i NBA?së, i zgjedhur 14 herë për ndeshjen e madhe “All Star Game”, u shpreh të enjten se do të tërhiqet në përfundim të kontratës së tij aktuale me Feniks Sans. 36?vjeçari ka fituar 3 tituj me Los Anxhelos Lejkërsat dhe një me Majemi Hit, si dhe ka marrë tre herë çmimin MVP i Finaleve. “Karriera ime e basketbollit do të marrë fund pas 735 ditësh”, tha O’Nil. “Dhe duke qenë se jam një njeri i edukuar nuk do ta zgjas më kontratën time të fundit”. Dhe pse sezonin e fundit pati probleme me dëmtimet muskulare, O’Nil arriti gjithsesi të shënonte 13.6 pikë dhe 9.1 topa në tabelë për ndeshje në 61 ndeshje me Majemin dhe Feniksin. Ai ishte zgjedhja e parë në Llotarinë Draft 1992 nga Orlando Mexhik, duke u zgjedhur që atë sezon “Debutuesi i Vitit” me 23.4 pikë e 13.9 topa në tabelë për ndeshje. Pas sezonit 1995?1996 O’Nil u largua nga Florida për tek Lejkërsat me një kontratë 7?vjeçare prej 122 milionë dollarësh, duke udhëhequr Los Anxhelosin, në grup me Kobi Brajantin në tre tituj radhazi në vitet 2000, 2001 dhe 2002. Në 14 korrik 2004 ai shkoi te Majemi, ku bashkë me Duejn Uejdin fitoi titullin e parë dhe të vetëm për skuadrën e Floridës.